అది కలే

ప౹౹

తెలియని సౌఖ్యమేదో తెలిసిందీ కొత్తగా

అలియని మనసూ ఆలకించెనే మెత్తగా ౹2౹

చ౹౹

ఏ దివ్య గానమో అది ఎద పులకించెగా

ఆ పది రెండు స్వరాలూ అవలోకించగా ౹2౹

జనక రాగంతో జనియించే భవ్యసుమం

కనక కాంచనాలూ కాలేవు దానికి సమం ౹ప౹

చ౹౹

పండువెన్నెల ప్రభవించిన పున్నమిరేయి

పండుగల్లే ఆ స్వరం కూర్చ చల్లనిహాయి ౹2౹

జావళీ జాలు వారినే సెలయేటీ నడకలా

కాహళీ జత చేరే ఎచటనుండో వేడుకలా ౹ప౹

చ౹౹

మోదంతో మనసూ ఆమోదం తెలుపగా

హృదయమే ఆ ముదం మళ్ళీ తలుపగా ౹2౹

కానరాని పారవశ్యం కళ్ళకు కట్టినట్లాయె

చేరలేని సుఖమంత చెంతకే చేరినట్లాయె ౹ప౹

చ౹౹

ఆ స్వప్నమే నిలిచెలే ప్రేరణగా నా రచనకు

ఆ కలయే ఊతము నా మొదటి సృజనకు ౹2౹

ఊహల ఉరవడికీ చేయూత ఆ స్వపమేలే

కలల వరవడి కలంనే నడిపించు నిజమేలే 

౹ ప౹