కురిసిపోవా

ప౹౹

మేఘమా కురిసిపోవా ఖుషీ చేయను

దేహమా తడిసిపోవా తన్మయించను ౹2౹

చ౹౹

ఎదురుచూపులేనా ప్రతి ఋతువులో 

చెదిరినా ఆశలేనా చేరి ఆ బ్రతుకులో ౹2౹

పూలు పురి విప్పినే చల్లనీ నీ రాకతో

రాలు ఆకులు రవళించును చేరికతో ౹ప౹

చ౹౹

ఎండమావులకే ఎడతెగని తాపము

పండగెరుగని ఎదనే విరహతాపము ౹2౹

దప్పిక తీరక దరహాసం తొలగిపోవు

తప్పక తరలకున్న జీవం తరగిపోవు ౹ప౹

చ౹౹

తరుణమేకోరి తన్మయమే పెంచును 

ఏ రుణమేలేక ఎదనే పరితపించును ౹2౹

మేఘమా కురిసిపోవా ఖుషీచేయను

రాగమా కలసిరావా కల సరిచేయను ౹ప