ప్రేమ కదనం

ప౹౹

కలిగించాలని మదిలో మరులతో ఆశ

వెలిగించాలని ఎదలో వదలి ఆ నిరాశ ౹2౹

చ౹౹

ఉసిగొలిపే ఊపులతోను ఊరించాలని  

ఊసేకలిపే ఉలుకులతో పలికించాలని ౹2౹

కోరి వచ్చా కోమలికి దారినే చూపాలని

నారి ఇచ్చా మనసునే ప్రేమే కలపాలని ౹ప౹

చ౹౹

కాగల కార్యం గంధర్వులెవరూ తీర్చరు

చేయగల ధైర్యంచేసి చేసెయ్ కూర్చను ౹2౹

మనసు మాటా వినవా మంచితనంతో

ధనసు వదిలిన బాణమౌ కొత్తదనంతో ౹ప౹

చ౹౹

ఎదురు చూపులతోనే ఎడారి పయనం 

నదురులేని నిర్ణయమే నగుపాల వైనం ౹2౹

చీకటి రేయికిని ఉదయమొకటున్నదిలే

వాకిటచేరిన వలపు వరసెప్పుడన్నదిలే ౹ప౹

చ౹౹

గుండె గుబులూ పెరుగేనులే గుర్తించవా 

మండే మదికిని స్వాంతనై చిగురించవా ౹2౹

వలపను వదలక చూపాలి వదనములో 

గెలుపునే ఆస్వాదించీ ప్రేమ కదనములో ౹ప౹