ఎడారి ఎడద

ప౹౹

ఎడారిలోను ఎడద కోరిక ఎన్నడు తొలగిపోదులే

మోడారిని మొగ్గలా ప్రేమదీపము మలిగిపోదులే ౹2౹

చ౹౹

అరవిరిసిన మందారం ఆశలపందిరి అలంకారం

తెగ మురిసిన తెరువరికి తెలుపరాదా శృంగారం ౹2౹

దోసిళ్ళతో దోరగాసిన వలపునూ దొరకబుచ్చవా

కసి కళ్ళతో దాచేసిన ఆ కాంక్షలనే నిద్రబుచ్చవా ౹ప౹

చ౹౹

లోతైన ప్రేమకు లోగిలియే ఈ హృదయమేనులే 

నీతోనే కలిసిన నిండు తెల్లారిన ఉదయమైనులే ౹2౹

నీటైన ప్రేమనూ నిందలు ఏమిచేయలేవులే మరి

మాటైన ఒకటి మనసులోను నింపేయరాదా కోరి ౹ప౹

చ౹౹

వలపనేది వరద గోదారేలే వయసులో ఉన్నపుడే 

అలపనేదిలేక ఆస్వాదించై సమయమొచ్చినపుడే ౹2౹

సోయుగమన్నది సాయముగనుంది ఇక జంకనేల

ఈజగమన్నది నడిచేది ప్రేమతోనే కానిక వంకలేల ౹ప౹

చ౹౹

మధురభావనలే మదిలో మారాములే మొదలిడ 

అధరపు ఆరాధనలే అవసరాలే పెంచేసి కదలిడి ౹2౹

జాగేలా జవరాలకి ప్రణయాలే పదిలంగా పంచనే

బాగేలే భావలాలిత్యం బహురూపమై అదిలించనే ౹ప౹