కలవరం
కలవరం
ప౹౹
ఎదలో ఎందుకో చెప్పగలేని కలవరమూ
మదిలో మోగే తెలియని కల వివరమూ ౹2౹
చ||
కిల కిల కోకిల కూజితము చెరిపే నా కల
అల అల మరల రంజితమే చేసే ఆ అల |2|
జాబిలి చల్లదనం ఆ జావళీ తియ్యదనం
జాబితాగ చేరే జాణ తలపుల కమ్మదనం |ప|
చ||
హృదయమే రణం రణం మరల స్మరణం
రసోదయమే తరుణి కనిపించు తరుణం |2|
మనసు మరల మరల చేసెగా మారాము
పొంగారని కోరిక మాటవినలే సుతరాము
|ప|
చ||
పూచే పూలే పురివిప్పి తనువంతే చెప్పగా
వీచే గాలీ వివరించే ఆ తనువంత గొప్పగా |2|
చెప్పలేని చైతన్యమేదో చేరి మది నింపగా
తప్పలేని తమకమే కాంచిలే అది ఇంపుగా
|ప|