తరలిపోయే వసంతం

1. ప౹౹

తరలి పోయే వసంతం ఎంతకూ తానే విసిగి

మరలి వచ్చునా మరలతిరిగి ఎక్కడో పొసిగి ౹2౹

చ౹౹

పూచే పూల పరాగమే ఫలదీకరణం చెందేనా 

వీచే గాలి గాంధర్వం మరి గమ్యమూ చేరేనా ౹2౹

వలపు జాబిలి వన్నెలలు వరసలూ కూర్చేనా

మలుపు మజలీ మంజూషలే అడిగి పేర్చునా ౹ప౹

చ౹౹

కోరి వచ్చిన కోరికలు కొరతనే గురుతెరుగునే 

మరిచొచ్చిన మరులే మధురిమలు ఎరుగునే ౹2౹

తలపుల మది తాళం తరలి శూన్యం మిగుల

అలపుల ఎదకు అలుకలతో ఆక్రోశమే రగుల ౹2౹

చ౹౹

తిరస్కరించిన ప్రేమకు త్రికరణ శుద్ది లేదనేగ  

మనస్కరించని మనసుకు ఇక దారి ఏదనేగ ౹2౹

తరలి పోయే వసంతం ఎంతకూ తానే విసిగి

మరలి వచ్చునా మరలతిరిగి ఎక్కడో పొసిగి ౹ప౹