వింత విలాపం

ప౹౹

కూర్చుండనీయదు కూరిమినే కూర్చుండనీయదు

నిల్చుండనీయదు నీలో వలపు నిల్చుండనీయదు ౹2౹

చ౹౹

వింతైన మనసుకే వివరం తెలీక ఏమి విడ్డూరమో 

కొంతైన చింతైన తీరక మదిలోన చెడ్డ యవారమో ౹2౹

కనికట్టు కట్టినట్లు కలలోను వదలదే కనిపెట్టుకొని

కను కొట్టి పిలిచినట్లే ఇంక కదలదే అంటీపెట్టుకొని ౹ప౹ 

చ౹౹  

ప్రేమించే వాడికి ప్రేయసి కౌగిలే పెద్ద పెన్నిది కూడా 

రాయంచే రావించికనే రప్పించును లేకుండ తేడా ౹2౹

తీరం చేరాలని తీరికలేని ఆరాటమే ఆ అలలకూ

భారం తీర్చాలని ఉరికే పోరాటమే ప్రేమ కలలకూ ౹ప౹

చ౹౹

నిదురే రానీదుగా నిండు జాబిలీ నీడలా తోడుగా 

చెదిరే పోనీదుగా పండు పరువం పక్కనే జోడుగా ౹2౹

ఉండిపోవాలని జంటగా ఊహించే ఎద సాంతమే

కల్సుండిపోవాలని కథ వినిపించే వచ్చివసంతమే ౹ప౹

చ౹౹

ఎన్ని పున్నమిలో ఎదురై పెంచ లేదా ఎద బెడదనే  

అన్ని తన్మయాలు అలయిక చేరుకున్నాక ఎడదనే ౹2౹

నీలో నీవే రగలక నిలువెత్తు ప్రేమని నిగ్రహించలేవా

తలోచేయి కలపితేనే ప్రేమ పండునని గ్రహించలేవా ౹ప౹