కలసిన మనసులు
కలసిన మనసులు
కలసిన మనసుల కులుకుచు కాంతులీను ప్రియభావములు
వలపులో తీయని సలుపులో మాధుర్యపు మొలకలో
హత్తుకున్న హృదయమ్ముల రసానందములు
పున్నమి చందమామ ప్రసరించు చల్లని వెన్నెలలో
విరిసీవిరియని మల్లెమొగ్గల గుబా ళిoపులో
మనసులపై జల్లబడిన పన్నీటిజల్లులో
గలగల పారేటి సెలయేటి నీటిజాలులో
ఎత్తులపల్లముల ఎక్కి దూకు జలపాతములో
ఎడతెరపిలేక ఎగసిపడు అలలవరుసలో
మౌగ్ధ్యమున పొడసూపు ప్రమోదములో
ప్రేమబంధమున ముడివడిన నెయ్యంపు తలపులు
హృదయసీమల విహరించు స్నేహరస హరిణములో
వెన్నెల పూరేకుల మెత్తదనము మార్దవము సౌరభముల
పుణికిపుచ్చుకున్న ప్రణయంపు పూమాలికలో
కలసిన మనసుల కులుకుచు కాంతులీను ప్రియభావములు
వలపులో తీయని సలుపులో మాధుర్యపు మొలకలో
******