సరళ పూజనం

పరమాత్ముడు తననెవరు పూజించారు, ధ్యానించారు చూడడు;

తన ధర్మం నిర్వర్తిస్తూ నీతిగా బ్రతుకుతున్నాడా

లేదా చూస్తాడు;

అయినవారికి అభిమానం, ఆప్యాయతలు అందిస్తున్నాడా, అందుకుంటున్నాడా, లేదా

చూస్తాడు;

ఆయనకి కావలసినది మన మనసు;

పటాటోపాలు, ఆడంబరాలు నిండిన 

దర్శనాలు, హడావుడులు కాదు;

ఆయనకేం కావాలి!

మనసారా అర్పించే

ఫలం, పత్రం, పుష్పం, తోయం చాలు;

కాని మన అహాన్ని తృప్తి పరుచుకోవడానికి

ఏదో చేస్తాం; ఏదో రాస్తాం; ఏదో ఉపన్యసిస్తాం;

పాండిత్యం కన్న హృదయనివేదనం 

అందుకుని కటాక్షించిన శ్రీకాళహస్తీశ్వరుడు,

శ్రీకృష్ణుడు, శ్రీరామచంద్రుడు మనకు ఉదాహరణలు;

మనం వింటే, అర్థం చేసికుంటే, ఆకళింపు అయితే;

లేకపోతే పూజలు పునస్కారాల యావలో పడి

పరంధాముని బయట కొలుస్తాం; ఆయన అంతర్యామి అని మర్చిపోతాం; పరమాత్మయే

స్వయంగా చెప్పినా సరళ పూజావిధానం మెచ్చం

మన ఆధ్యాత్మికత మన దర్పం చూపించడానికి కాదు;

పరమపురుషునియందు శరణాగతి చెంది 

ప్రపత్తి చూపుటకు;