Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Kadambari Srinivasarao

Classics


4.4  

Kadambari Srinivasarao

Classics


సవ్య యోచనే సఖ్యంబు

సవ్య యోచనే సఖ్యంబు

1 min 255 1 min 255

మలినపు తలపులు మనసున

పంకపు ముద్రలు

తీరును మార్చెడి

అవలక్షణ జాడలు

అదుపు తప్పిన అడుగులు

కష్టాల మడుగులో

కూరుకుపోయి

కోర్కెల మొసళ్ళే 

మృత్యువై కబళిస్తాయి


మల్లెలంత సుతారమైన

మనసున

మాలిన్య పంకపు

తెరలు తొలగించి

మంచి అనే బీజంనాటి

స్వచ్ఛమైన ఆలోచనా జలాన్ని పోస్తే

సలక్షణ అంకురాలు మొలిచి

పరిమళాలు వెదజల్లే

మంచి గంధపు మొక్కల్లా

మానవతా విలువలు

గుబాళిస్తాయి


సక్రమమైన మార్గాన నడిపించి

ఆనందపు గమ్యానికి చేర్చేది

మనుషుల మధ్య మనీషిగా నిలిపేది

పదిలమైన ఆలోచనా

వాహనమే కదా!


హద్దులు దాటని ఆలోచనలు

హర్షపు అత్తరు పూతలు

మేలు తలపుల జీవన నౌక

ఆనందమయ అలలలో

తేలియాడుతూ

సురక్షిత తీరానికి చేరుతుంది


Rate this content
Log in

More telugu poem from Kadambari Srinivasarao

Similar telugu poem from Classics