జన్మానికో శివరాత్రి

అమృతమును కోరి

పాల సంద్రాన్ని చిలికినారంట దేవతలు రాక్షసులు

హాలాహలమను కాలకూట విషము పుట్టెనంట

పరుగు తీసినారంట అందరూ పరమేశుని శరణు వేడినారంట

విషము మ్రింగి శివుడు లోకాలు కాచినాడంట

అమృతం తాగినోళ్లంతా దేవతలైతే

నా దేవుడు విషం తాగి

దేవతలకే దేవుడు

మహాదేవుడు అయినాడంట

అదే మహాశివరాతిరంట

మాఘ కృష్ణ పక్ష నడిరాతిరిన

ఆది అంతాలు లేని జ్యోతితో లింగముగా ఉద్భవించినాడంట

ఎవరు గొప్ప అని వాదులాడుకున్న

బ్రహ్మ విష్ణువుల తగువు తీర్చినాడంట

నా సామి

ఏదడిగితే అది ఇచ్చే

భోళాశంకరుడంట

జన్మానికో శివరాత్రంట

నమ్మి నువ్వు మారేడాకులు

శివలింగము మీద పెట్టి మ్రొక్కమంటా

నీకు తోడు శివుడు వస్తాడంట

హర హర మహాదేవ

శంభో శంకరా అని

ఉపవాసం జాగారం చేసి చూడు అంటా

మహాదేవుని మనసు గెలుసుకో అంటా