మాతృదేవోభవ

అమ్మా!  శుభలక్ష్మివై “నంది ఘోష్” నధిరోహించి జగన్నాధునితో సహజీవనగమనాన్ని సాగించి

మా నలుగురికి జన్మనిచ్చి ఆ నాలుగు పుష్పాలను జగన్నాధుని పాదాలచెంత కానుకగా సమర్పించిన మాతృమూర్తి నీకివే మా పుష్పాంజలిలు 

అమ్మా !  ఉగ్గు పాలలో దైవచింతనామృతాన్ని రంగరించి గ్రొలింపజేసిన బ్రహ్మ విష్ణు శివాత్మికైన కాళీమాతాస్రితా నీకివే మా ప్రణమాంజలిలు

అమ్మా ! మా చేయిపట్టి సరస్వతీ స్వరూపిణివై 

మాకక్షర జ్ఞానానందించిన మా తొలి గురువైన వాగ్దేవి  నీకివే మా కుసుమాంజలిలు 

అమ్మా !  నీ జీవనాడులను వీణాతంత్రులుగా మీటి మమ్మల్నలరించి మురిపింపజేసిన త్యాగమూర్తీ నీకివే మా స్మృత్యాంజలిలు, నమఃసుమాంజలిలు 

 అమ్మా! మాకు అష్టైశ్వర్యాలు నొసంగి ఆ జగన్నాధుని సన్నిధానం చేరేవేళ నారాయణమనోహరి

నీకివే మా కృతాజ్ఞతాంజలిలు, శ్రద్ధాంజలిలు,        అశృనివాళిలు 

అమ్మా! మరుజన్మలో నీకు అమ్మనై పుట్టి నీ ఋణం తీర్చుకునే ఈ నా చిన్న కోరిక తీర్చమని

    నీ వైకుంఠవాసునికి విన్నవించమని 

నీ పాదపద్మమ్ములచెంత వేడుకొందు …….

              ****💐💐💐*****