చెలికత్తెల చురక(త్తు)లు

శౌరి మురారి మదియదలలో ఇళతో కూడి శృంగార సరాగాల వేళ

తనను మరులుగొన్నాడని మదనవిహారియైన రాధిక

     మురారిని దండింప తలంపు చోద్యము కాదటే ?

మురారి మునిపంట ఇళ స్తనపంట నాస్వాదించి

శృంగారరసకేళిలో సరసజాక్షి పుష్పపరాగాన్ని మరిగిన  మదనగోపాలుడు

తన్ను మరచినాడని రోధించిన వయ్యారి వగలమారి రాధికను కన్న

ఆ పరమశివుని వైరి మనోహరికి పతి పై పంతము కలుగదటే ?

చెరి తనువులు మరిమరి కూడి శృంగార సరససల్లాపాల వ్యాహ్యాళిలో అలసిసొలసిన ఆ మదన మోహనుణ్ణి తన అంతరంగమునన్ కని భంగపడ్డ భామ విరహహరిణి

రాధికా మనోహరిని స్వాంతన పరిచే యతిరాజునికి యతిప్రాసలన్నీ గతితప్పగా

ఈ గోపికాలోలుని గోపాలబాలుని చిలక పలుకులు చెలి చిత్తము చెరచునటే?

ముద్దుపళని స్వాంతనము కన్నా ముద్దుగా వుండునటే ?

ఈ శశిధరుని షష్టపదులు ఆ జయదేవుని అష్టపదులపై తిష్ట వేయగలవటే?

             *****💐💐💐*****