లేత యవ్వనం
లేత యవ్వనం
ప౹౹
కలకాలం కళ్ళతోనే కురిపించాలి ఆ లేత ప్రేమలు
ఎల్లకాలం ఎదలోనే దాచి చూపాలి దాని అమలు ౹2౹
చ౹౹
లేత యవ్వనం లేస్తూనే ప్రేమనే కావాలని కోరింది
కొత్త యవ్వారం వింతకోరికనే మదిలోనికి చేరింది ౹2౹
మనసులో మారాకులూ తొడిగే సమయమే మరి
వయసుకు ఏదో అనుభూతి అడగక చిత్రమై చేరి ౹ప౹
చ౹౹
కనువిందు చేయని కలబోసిన అందాలే కనులకు
మునుముందు ప్రణయాల ముచ్చటైన పనులకు ౹2౹
వలపుల లోకానికి దేవుడిచ్చిన ధీటైనా వరాలవి
మరపుల మదిలో మరువలేని వింత సమరాలవి ౹ప౹
చ౹౹
ఎలమితోనే చేరకపోతే అందమేలేదు జీవితానికి
చెలిమితోనే చేరలేకపోతే అర్థమేలేదూ హితానికి ౹2౹
రొండు మనసులు రొదతో చేసేనూ అదే నినాదం
ఉండబట్టలేని ఊసులు వంతపాడే వలపునాదం ౹ప౹
చ౹౹
కొదువలేనీ కోరికలు కొలువుతీరును ఆ మదిలో
మదుపేలేని మరుల తూణీరాలే ప్రేమల పొదిలో ౹2౹
లేలేత హృదయాలు లేచివేచే కనుసైగ కదలికకే
స్వాగత చిహ్నాలూ చిగురించే చివరకూ వదలకే ౹ప౹