శ్రావణ మేఘం

ప౹౹

వాన జల్లే వచ్చెనమ్మా వందనమూ చేసుకో

వలపు ముల్లే గుచ్చెనమ్మా బందం పెంచుకో ౹2౹

చ౹౹

పచ్చని ఆకులు పలికినే చిటపటలే చిన్నగా

విచ్చని పువ్వులు కూడ వికసించినే సన్నగా ౹2౹

లేత హృదయాలు లెఖ్డ మరిచెనే సరికొత్తగ

లేమ నయనాలు చిక్కే విప్పినే మరివింతగ ౹ప౹

చ౹౹

శ్రావణ మేఘాలు శ్రమించినే ధారాపాతమై 

శ్రమణ భావాలు ఊరించెనే ఊహజనితమై ౹2౹

కలబోసిన అందాలు కార్చిచ్చులే రేపేసెనూ

తలపోసిన ఊహలు తనువునే కాల్చేసెనూ ౹ప౹

చ౹౹

నర్తించే మయూరం పురివిప్పినే పులకించి 

వర్తించే సమీరం దిశలు మార్చినే ఆలకించి ౹2౹

వలపులోన వసంతమే వరించి వచ్చేయగా

అలపులేని ఆశలు పండించవా నచ్చేయగా ౹ప౹