ఎవరికోసం

ప౹౹

ఎవరికోసం ఎదురు చూసావు ఎదలో తలచి

ఎందుకోసం వేచావు ఏమరక మదిలో వలచి ౹2౹

చ౹౹

లయించిన మనసులో మురిపించే లాలిత్యం 

రచించిన కావ్యంలోన ఆ మరపించే కవిత్వం ౹2౹

ఏమంటున్నాయి ఎరిగిన ఊహలే ఆశలతోనే 

ఎలాంటున్నాయి మారని ఆశలే ఊహలతోనే ౹ప

చ౹౹

సూదంటు రాయిలా కోరికలే కొరికేస్తున్నాయి 

క్రీగంట చూపులు చుట్టంతా వెదికేస్తున్నాయి ౹2౹

ఎదలోని ఎలమి ఊసులు పలకరిస్తున్నాయి

పదంలేని ప్రేమ భాషతోనే పులకరిస్తున్నాయి ౹ప౹

చ౹౹

ఎదురుచూపుల మధురభావన మరువకమా 

చెదరని ఆశలే చేరువవు వరకూ చెరపకుమా ౹2౹

చిన్ని మనసుకే చిద్విలాసం పూర్తిగ చేకూరనీ

అన్ని వసతులు కూడి హాయిలు సమకూరనీ ౹ప౹