వరసైన వలపు

ప౹౹

వలపంతా వర్ణించను వరసైనవాడే కావాలిగా

మనసంతా చిత్రించనూ మదనుడే రావాలిగా ౹2౹

చ౹౹

ఎక్కడిదీ సౌందర్యం ఎద మొత్తం కుదిపేసినది 

చిక్కడిన ఆంతర్యం అది మొదలు కదిపేసినది ౹2౹

రేయి పగలూ రెపరెపలాడింది మనసు లోలకం

హాయి హంగూ కలిసి మార్చినే మనిషి వాలకం ౹ప౹

చ౹౹

ఈడేరిన వయసు వివరించేను వింత విషయం 

ఓడెరుగని వలపే వరదై తొలగించినే సంశయం ౹2౹

పెను మాయేలే ప్రేమంటేను తెలుసుకున్నాకను

పెనవేసే మనసును తనువు కలుసుకున్నాకను ౹ప౹

చ౹౹

మాటైన వినని మనసుకు ప్రేమే మంచి ఔషధం  

ఘాటైన ప్రేమ గడువే గుర్తించి చేయాలి నిషేదం ౹2౹

నీరెంత తోడిననూ మరల నిండును ఊటబావి 

మరులెంత కురిపించినా కురచబడదే ప్రేమదీవి ౹ప౹

చ౹౹

కనుసైగలే పెను బాసలూ ప్రేమలోన ఇరువురికి

మునుమాపు ముచ్చటలే చేరు ముసిమి దారికి ౹2౹

వరసైన వలపునూ వద్దనక వర్ణించి వలపించనీ

సొగసైన సోయుగాన్ని సొంతంచేసి మరపించనీ ౹ప౹