అనుకోని స్వప్నం

ప౹౹

అనుకోని స్వప్నం అరుదెంచను ఓ రేయి

కనుగొని ఆ మధురం కలిగించెను హాయి ౹2౹

చ౹౹

ఊరికే ఉండదుగా మనసు మరిచి కూడ 

చేరికే లేక చెడునే బంధం చెప్పక ఏ జాడ ౹2౹

కలయే వచ్చి కలుపునులే కదలని ఎదనే

ఇలయే మెచ్చిఇంపుగా పాడునే ఆ కథనే ౹ప౹

చ౹౹

నిశీథం నిషేదించదే ఏ కలనూ ఎప్పుడూ

నిషాదం ఆవహించే స్వరంతో అప్పుడూ ౹2౹

కలకూడ కమనీయమే కలకంఠితో కలసి

కల వరించిన కడురమ్యం మదినే తలచి ౹ప౹

చ౹౹

కలగనీ ఆ సౌఖ్యమే కలలతోనే కలగలసి 

కల గని ఆ సుఖం హాయి బాగునే తెలసి ౹2౹

అనుకోని స్వప్నం అరుదెంచెను ఓ రేయి

కనుగొని ఆ మధురం కలిగించెను హాయి ౹ప౹