ఎరుగని హాయి

ప౹౹

ఎరుగని హాయి ఎదురుగనే నిలిచింది

తరగని వలపే ఆ తనువునే పిలిచింది ౹2౹

చ౹౹

ఎంత మధురం వెన్నెలలోని చల్లదనం

చెంత అధరం చేర్చగా అదో కొత్తదనం ౹2౹

తరిమే ఆ తరుణం అదే తపనగా కోరి

ఉరిమే ఊహలే ఉసికొలప పక్కనచేరి ౹ప౹

చ౹౹

తహతహలే తరిమిలే తననే తపనతో

అహఆహాలే ఒద్దికా చూపే ఉద్దీపనతో ౹2౹

ఎదనిండెనే ఎనలేని ఎలమితో ఓరిమి

మొదలిడినే మొగ్గతొడిగిన ఆ కూరిమి౹ప౹

చ౹౹

తరుణమే పెంచెగా మదిలో తన్మయం

వలపురణమే వదనంలో చేసె గాయం ౹2౹

చిన్ని ఆశ చిగురేసి షికారులే చేయగా

అన్ని ఊసులే విషయమే పంచేయగా ౹ప౹