తీరైన స్వప్నం

ప౹౹

అరే ఏమయ్యిందీ ఆ మనసుకే తెలియనిది

సరి చెయ్యనూ ఏముంది తాను కలయనిది |2|

చ|౹

ఆనాడు అనుకోని అపురూప స్వప్నదర్శనం

జాడే కనలేని ఈ ఎదురుచూపులే నిదర్శనం |2|

కలయని కలయనిదనీ ఆ కళ్ళకేల తెలుసని

చూసి చూసి అలసినా మనసుకేలా అలసని |ప|

చ||

ఆ స్వప్నమేల అందక పోయేను అదనే తప్పి

మది మేళమే వేళే మరచి కాదనక తనే చెప్పి

నాటి వనమున నాటిన నవనమును మరచి

నేటికైన నిజము తెలుపు నీమనసునే తెరచి |ప|

చ||

ఎన్నాళ్ళీ మదనం మదిలోని మాటనే తెలుప

కొంచెమైనా తెగువ చూపవా నీ కళ్ళనే కలుప|2|

కాని తన మేమున్నదీ ప్రేమించనూ మనసారా

జాణతనమే వదలి చూపించై వలపుకే ఆసరా |ప|

చ౹౹

తీరైన స్వప్నం తీరుగా కలిగించెనే రమణీయం

తిరుగులేని ఆ హాయి కూడ ఎంత కమనీయం ౹2౹

మనసులోని సంరంభం మరి కదిలే వేడుకలా

వరుసలోని వలపే కాదంటే కాదా ఓ పీడకలా ౹ప౹