గిలిగింతలు

ప౹౹

ఎదలో గిలిగింతలు సెలయేటి పులకరింతలు

సొదలేని సోయుగం కలలోనూ కలవరింతలు ౹2౹

చ౹౹

అదే కాలం కలిసిరానీ ఆ వలపే తెలుసుకోను 

ఏదో జాలం చేయనీ మది తలపే కలసి పోను ౹2౹

మాటొకటి ఇచ్చాకా తన మనసొకటి నచ్చాక 

చోటొకటి చూపాలి కొత్త ఆశొకటి కలిసొచ్చాక ౹ప౹

చ౹౹

పరువాల పండుగే పదహారు ప్రాయమే వచ్చి 

విరహాల సందడే ఈడేరిన వయసులు మెచ్చి ౹2౹

కోరాక ఆ మనసు కొరవై మండులే కొంచెమైన

చేరాక తీరమూ చేర్పొకటి కావాలి అంచుపైన ౹ప౹

చ౹౹

వయసంటు వచ్చాక మనసంటి మండునులే 

సొగసంటు నచ్చాక ఆ వలపంటి పండునులే ౹2౹

ఎదలోకి ఇక ఎదురేగి చెలరేగి చేరే పోవాలిలే

పొదలోకి పోదామని కోరికలే కోరేసి రావాలిలే ౹ప౹