తనువు-తన్మయం

ప౹౹

చిగురించనీ చిత్రమైన ప్రేమని చిరకాలం

వ్యక్తికరించనీ వలపును వేసీ చిరుగాలం ౹2౹

చ౹౹

వింతైన వ్యామోహం మదిని మత్తెక్కించే 

కొంతైన సడలింపేలేక మనసునే కిక్కెంచే ౹2౹

చెలి కోసం చెలిమికోసం ఈ ఎద చెదిరినే

గేలిచేసి గెలవాలని గోలచేసే తీరే కుదిరినే ౹ప౹

చ౹౹

మందారం విరిసెనన కారణాలెన్నో వెనుక 

పందేరంలా పంచవచ్చు ప్రేమున్నది కనుక ౹2౹

సిద్దమేనా చిరు మందహాసం ఒడిసిపట్టను

హద్దులను చెరిపేసి హత్తుకొని గట్టేదాటను ౹ప౹

చ౹౹

వలపన్నది వరదేను మనసు కట్ట కోయను 

తలపన్నది తరగనిదేను తరలి విచ్చేయను ౹2౹

సాధించిచూడాలి సావకాశంతో ఆ అంచునే

మధించి మదిలోను మరులన్నీ కురిపించనే ౹ప౹

చ౹౹

ప్రేమేన్నది శాశ్వతమేగ వెలుగున్నంత వరకు 

ఇమ్మన్నది మనసేగ మొక్కేసి ఆంక్షల తెరకు ౹2౹

అపుడేగా చిగురించేది చిరకాలపు చిన్మయం

ఇపుడేలే తెలీసేది పొంగేటి తనువు తన్మయం ౹ప౹