వలపు తలపు

ప౹౹

కల కనుమరుగవునే అలలా తీరం చేరకనే

పూల గంధం పురివిప్పునూ ఎవరు కోరకనే ౹2౹

చ౹౹

పేరిమి పెరిగి ప్రేమగా మారే ఏమి తెలియక  

కూరిమి కూడి కూర్చెనులే అసలే అలియక ౹2౹

ఏమి మాయో ఇది సృష్టిలో భలే గమ్మత్తులే

లేమి మనసుకే లేనిపోని కొనితెచ్చే మత్తులే ౹ప౹

చ౹౹

కొత్తగా కోటి వీణలే మోగే నిరతమే మదిలో 

మెత్తగా అణవణవు చేరే సౌఖ్యంగా ఆదిలో ౹2౹

గడిచినకొద్దీ గతి తప్పేది ప్రేమే కాదులే చేరి

నడిచినకొద్దీ నడత చెదిరేది మోహమే మరి ౹ప౹

చ౹౹

ఆకారంలేని మనసులో అలజడే పెంచేనులే 

శ్రీకారం చుట్టేసి సుడిలాగా పట్టి ఉంచునులే ౹2౹

వలపు మాయే అది వయసుతోను పెరిగేను

తలపు మలపులో తనివి తీరకను తరిగేను ౹ప౹