కలిగించే హాయి

ప౹౹

కలిగించే హాయిని కలబోసి అందించవా

వెలిగించే రేయిని వెన్నెలతోను పంచవా ౹2౹

చ౹౹

మైమరిచిన మనసుకే సౌఖ్యం కూర్చనీ

ఎద చరిచిన సొగసుకే ఎలమినే చేర్చనీ ౹2౹

మనసైన మగువను మరులతో ఎదగనీ

వరసైన సరసము వాటంగానూ కదలనీ ౹ప౹

చ౹౹

ఆశలెన్నో హారతిపట్టి ఆదరించే ప్రేమలో 

ఊసులెన్నో ఊకొట్టి ఊరించే జాములో ౹2౹

కలలోకి వచ్చి కల్పనలెన్నో కల్పించేవూ 

ఇలలోకి తెచ్చి ఊహలన్నీ తరలించేవూ ౹ప౹

చ౹౹

కోరికేమో కొండలా పెరిగి కొరికేస్తుంటేను 

ఊరికేమో ఉండకా ఉక్కిరి బిక్కిరంటేను ౹2౹

చూసావా జలపాతమైనే వలపు పాతమే

వేచాకాఎదగిల్లి నిలిపేది తలపు ఊతమే ౹ప౹