అందుకో

ప౹౹

అందుకోవా ఈ లేఖతో అందమైన ఊహలు

పొందనీ అనుభూతిని చెప్పకనే గుసగుసలు ౹2౹

చ౹౹

ఏకాంతాన్నీ ఎగరేసుకొని ఎచటికో చేరునులే

ఆసాంతం హర్షంతో మది నదిగా మారునులే ౹2౹

కోరికనే కోరకనే కొత్తఆశలే కొంగుబంగారంలా

ఊరకనే ఉరికినే ఎదలోని మైకం సింగారంలా ౹ప౹

చ౹౹

లేఖలోని అక్షరాలు సువర్ణాక్షరాలై స్పురించగ

శాఖలై గాలి గంధం అణుఅణువు విస్తరించిగ ౹2౹

చేరిన ఉత్తరమే ఊసుల చందనాలే చల్లునని

మారని మనసు మార్చు బంధనాలే చెల్లునని ౹ప౹

చ౹౹

చదువు ఈ ఉత్తరాన్ని సాంతంఏకాంతంలోనే

మధువులా మత్తునే పంచు ఆప్రశాంతంలోనే ౹2౹

విహరించు ఊహాలోకంలో ఆ పదాల ప్రాసతో

వివరించాక బహు వివరంగా అదనపుఆశతో ౹ప౹