లేఖావళి

ప౹౹

నిండైన ఉత్తరం రాస్తున్నా ఉండబట్టలేక

గుండె సవ్వడే నీతో ఎదురుగా చెప్పలేక ౹2౹

చ౹౹

కనుగొన్నాను మనసులో ఆ విషయము

అనుకున్నానూ నిర్ణయించీ సమయము

ఉత్తరమంటే ఉత్త ఊసులే కాదుగా మరి

చిత్రమైన ఊహలు చిలిపిగా ఎదను చేరి ౹2౹

చ౹౹

అక్షరాలనే పేర్చా అందమైన పూరెమ్మలా

నక్షత్రాల్లా వరసజేరిన వెలుగుల కొమ్మలా ౹2౹

చదువుకున్నాకే చక్కగా మది నిండును

మదువు గ్రోలినట్లే మైకముతో ఉండును ౹ప౹

చ౹౹

కొత్తగా చెప్పినా సరే రేపటికది పాతదేగా

మెత్తగా చెప్పనా మేనుమెచ్చ నింపాదిగా ౹2౹

హృదయము పూలవనమల్లే రవళించగా

ప్రతి ఉదయమూ ఒక లేఖై ముకుళించగా ౹ప౹