లేఖ ఒకటి...

ప౹౹

రాకరాక వచ్చినే మరుల మందహాసం 

లేక లేక రాస్తున్నా లేఖ ఒకటి నీ కోసం౹2౹

చ౹౹

గడిచిన ఋతువులో గడిపిన క్షణాలు

తొడిగిన ప్రేమ క్రతువు సరసలక్షణాలు ౹ప౹

ఎలమి హారతులే ఎదలోకి చూస్తున్నా

చెలిమి గురుతులే చెప్పలేక రాస్తున్నా ౹2౹

చ౹౹

మాటేసి మనసులో గూఢమైన నిజాన్నీ

మాటిమాటికీ ఎదలో ఎగసే ఉత్తేజాన్నీ ౹2౹

సాధించి సమయానికి ఒకటి చేసి అలా

వేధించే ఎదనే ఊరడించానే రాసి ఇలా ౹ప౹

చ౹౹

ఊరికే రాశానని ఊకొట్టి ఊరుకోవద్దూ

ఊరించే ఊసులతోను ఉక్కిరైపోవద్దూ ౹2౹

రాక వచ్చిన లేఖతో లెఖ్ఖించై వలపును

రాకపోకలకై తెరచై మనసు తలుపును ౹ప౹