దరిచేరవా

ప౹౹

దరిచేరవా దరహాసం నిండిన మోవితో

సరిచేయవా సరసం పండించి ఈవితో ౹2౹

చ౹౹

కోరికేమో కొండెక్కి కొరికేస్తుందీ ఇచ్చతో

మరింకేమో మారాము చేయకే కచ్చతో ౹2౹

మొన్న చెప్పిన ఊసులు మరువలేదూ

నిన్న చేసిన బాసలు నిలువరించలేదూ ౹ప౹

చ౹౹

ఎందుకే ఎదనూ దాచేసి వెక్కిరింతలూ

అందుకేన అదుపులేని మిణకరింతలు ౹2౹

కొంటె కోణంగి కొలతలేని ఆ ఆరాటమే

కంటి కొలికిలోనా కనిపించే కోలాటమే ౹ప౹

చ౹౹

కదలి వచ్చి కలహంసలా కలవరించకే

మెదలి మనసులో అలా పలవరించకే ౹2౹

భావాలే బాణాలై గుచ్చి గుచ్చి పోవునే

అనుభవాలే గిచ్చిగిచ్చి ఉండు కావునే ౹ప౹