శుభలేఖ

ప౹౹

శుభలేఖ తెచ్చా గాలి పరిమళం కలిపి

శుభాకాంక్షలు చెప్పేందుకు నీకు తెలిపి ౹2౹

చ౹౹

అందమైన ఆకృతిలా చెక్కి చెక్కీ రాశా

విందులా కనులకే కనిపించాలని చేసా ౹2౹

ఒకసారి చూసి ఓరచూపు ఒలికించవా

ఈసారైన ఓ పలుకే మారే పలికించవా ౹ప౹

చ౹౹

దారి కాసానే రహదారి పక్కనే నీ కోసం

దరి చూసానే నా దరి చేరనే సహవాసం ౹2౹

అందుకొని లేఖ అందుబాటులోకి రావా

అందలం ఎక్కించే ఎలమినే అందుకోవా ౹ప౹

చ౹౹

వచ్చిన అవకాశం వలపుతో గెలిపించవా

ఇచ్చిన మనసుకూ విలువునూ పెంచవా ౹2౹

అందుకే ..

శుభలేఖ తెచ్చా ఎదలోని ప్రేమను కలిపి

శుభాకాంక్షలూ చెప్పేందుకూ నీకు తెలిపి ౹ప౹