ఒక స్వప్నం

ప౹౹

ఒక స్వప్నమే మరి కలిగిందీ వెన్నెల రేయి

ఐక్యమయి మదిలో చేర్చేఆ చల్లని హాయి౹2౹

చ౹౹

నదిలా సాగి వరదై పొంగే వలపు వాలకం

కథలా కదిలి కలలా తోచే తలపు లోలకం ౹2౹

వ్యధతో సాగే మనసు కోరేది స్వాంతనమే

ఎదలోని కల్పనలే కవ్వించు చిలిపితనమే ౹ప౹

చ౹౹

ఉదయకాలపు మంచులా కమ్మే ఊహలు

ఏదో స్వర్గం ఎదనే గిల్లగా పొంగే భావాలు ౹2౹

గుండెలో ఏదో తెలియని గుబులే రేపాయి

మండిన తడి మంటే తనువునే కలిపాయి ౹ప౹

చ౹౹

కదిలే మేఘమే వలపు వర్తమానం వర్షించ

కడలి నాదమై కలను నిజమే చేసి హర్షించ ౹2౹

ఆ స్వప్నమే అందివచ్చి మదిలో పులకించి

ఏ స్వాప్నికుని కోరికనో పరికించి ఆలకించి ౹ప౹