నవ్వులు

నవ్వులు

పగిలిన అద్దపు చప్పుళ్ళలో

పడే నీటి బొట్లలో                                                                                                

అర్థ రాత్రి తీతువు కూతలలో

ఆమె నవ్వులు

ఉప్పెన లాంటి శబ్దాలలో

ఉరిమిన ఆకాశపు మబ్బులలో

చిగురుటాకుల వణుకులో

ఆమె నవ్వులు

జూకాల కదలికలో

గజ్జెల చప్పుడులో

ఆమె నవ్వులు

ఎటు చూసినా ఆమె నవ్వులు

అతని నిద్రను ఆపి ఆలోచించేలా చేసే ఆమె నవ్వులు

అతను ఎంత వెతికినా కనబడని ఆమె ఆచూకీ

అతని విఫల యత్నాలు చూసి మరీ బిగ్గరగా వినిపించే ఆమె నవ్వులు

అతనికి భయాన్ని పరిచయం చేసెను ఆమె నవ్వులు