వేయి జన్మల ఊపిరి

మనో పంజరంలో ఆత్మీయ చిలక

తన్మయత్వం పూసుకుని

ఇష్టాన్ని తలచుకుంటూ 

యుగాలైనా గడిపేస్తుంది 

ఆ ఊసుల మాయజలంలో పడి

దూరాన్ని కూడా చెరిపేస్తూ

ఆత్రుత పల్లకీనెక్కి

తలపులన్నీ తరలిస్తూ

గుండెను చెవి చేస్తుంది

ఆ ఊసుల లోతు వెతుకులాటలో

వేదన కాయాన్ని కాల్చేస్తున్నా

రోదన దిగంతాలకు వ్యాపించినా

గుండె గాయాన్ని ఊరట పూతతో

నయం చేయాలని వెంపర్లాట

ఆ ఊసుల వినికిడి చెవిన పడగానే

ఆశనే ప్రాణంగా చేసుకుని

అనుబంధపు లతలు పెనవేసుకుంటూ

చూపుల కవాటాలు వెతుకుతాయి

కొండంత బలన్నిచ్చే

ఆ ఊసుల కోసం

సాటిలేని మంత్రంగా పనిచేసే

తొలి ఊసులు కోరుకునే

హృదయానికి దగ్గరచేసి

జరిగే అద్భుతాన్ని చూడు

వేయిజన్మల ఊపిరివైపోతావు