Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Ramesh Babu Kommineni

Romance


5  

Ramesh Babu Kommineni

Romance


ఈరోజే తెలిసింది

ఈరోజే తెలిసింది

1 min 333 1 min 333

ప౹౹

ఈరోజే తెలిసింది వివరం ఆ ఎదలోని స్వరం

ఈరోజే తెలిపింది ఈడు చెప్పిన ఆ అవసరం

తనువులోని తమకమే తకధినలై తరలివచ్చి 

ఈరోజే తెలిసింది మనసులోనికి మరలివచ్చి

ఈరోజే తెలిసింది ఈరోజే తెలిసింది....


చ౹౹

వచ్చాకా వచ్చాక మనసులో మరుల తలపు

నచ్చాకా నచ్చాక వయసులో వలపు మలపు

చెలిమిలోని సౌఖ్యం చెరిసగం పంచుకొన్నాకా

గెలిచిపోయే మార్గము తెలిసి ఎంచుకొన్నాకా

ఈ రోజే తెలిసింది వివరం ఆ ఎదలోని స్వరం

ఈ రోజే తెలిపింది ఈడు చెప్పిన ఆ అవసరం


చ౹౹

స్వాగతం పలికి స్వప్నానికి మదిలో నిలపాలి

ఏ గతం చూపని గతులనే పలికించి చూపాలి 

మరచిపోని జ్ఞాపకాలతో మానసమే నిండాలి

తరచి చూసే తన్మయాలతో తనువూ పండాలి

ఊసులన్నీ కలబోసి ఉరకలేసి ఊరించాకనూ

ఈ రోజే తెలిసింది వివరం ఆ ఎదలోని స్వరం

ఈరోజే తెలిపింది ఈడు చెప్పిన ఆ అవసరం


చ౹౹

ఆకురాలే ఋతువులో ఆ ఆమనే అలిగినట్లు

కాకు స్వరాలే క్రమంతప్పి కనుమరుగయినట్లు

అన్ని ఆశలూ ఆవిరి కానీకులే అదుపు తప్పేసి

కొన్ని స్నేహాలూ కొండెక్కులే కోరికలనూ కప్పేసి


ఈరోజే తెలిసింది వివరం ఆ ఎదలోని స్వరం

ఈరోజే తెలిపింది ఈడు చెప్పిన ఆ అవసరం

తనువులోని తమకమే తకధినలై తరలివచ్చి 

ఈరోజే తెలిసింది మనసులోనికి మరలివచ్చి

ఈరోజే తెలిసింది ఈరోజే తెలిసింది....



Rate this content
Log in

More telugu poem from Ramesh Babu Kommineni

Similar telugu poem from Romance