చేర్పు

ప౹౹

తొలి ప్రాయం తోరణమై చూచే ఆమెకోసం

చెలి గేయం చేరువగా వేచే కోరి సహవాసం ౹2౹

చ౹౹

ఎలప్రాయపూ ఎలమి ఎద నిండి వేడుకగా

ఎలబారి ఆ కలిమి మదినే దాచి వాడుకగా ౹2౹

వెన్నెల వెలుగు సన్నగ పరచుకొని నిండుగ

కన్నుల సోయుగం కలలనే పంచే మెండుగ ౹ప౹

చ౹౹

ఆమనే దిగిరాగా ఈ ఆవనే మురిసే మెల్లగ

ఆమెనే కలిసి మదిలో మరులే పెంచే చల్లగ ౹2౹

చక్కని కావ్యమై ఆ మనసునే మరిపించిలే

చెక్కిన శిల్పమై చేకూరిన చెలిగ కనిపించిలే ౹ప౹

చ౹౹

ఎంత వైభవమో ఎంచిన తరుణి సౌందర్యం 

చింత తొలగు చెంతచేరి చూపినా ఔదార్యం ౹2౹

ఎదురుచూపులూ ఎడదలో ఆమెకోసమేగా

చెదరిన మనసుకూ ఆ చేర్పు అవసరమేగా ౹ప౹