ముందుకు వెళ్తే ..!

నీ మెడలో మూడుముళ్ళు వేయాలనుంది .

నాతో కలసి నీవు ఏడడుగులేస్తే

ఉబ్బితబ్బిబ్బవ్వాలనే కుతూహలమూ ఉంది .

వెనక్కు మళ్ళితే ...

ఆ ఒంటరితనం గుర్తొచ్చి , నా గుండె మండుతుంది .

ఓదార్చవచ్చిన నిన్నుచూసి

మంచుకొండల్లో ఇపుడు తానున్నానంటుంది .

మనమిలా ముందుకు వెళ్తే ... ... ... ...

ఇలలో అంతకన్నా భాగ్యం ఏముంటుంది ?

నన్ను నమ్ము , ప్రియా ! కలలోనూ

నీతోనే ఆనందం నా చెంతనుంటుంది .

మళ్ళీమళ్ళీ నిన్నే పెళ్ళాడినా ,

ఏడుజన్మల బంధం ఆనాడే మొదలైందనిపిస్తుంది .

ఎంత నడిచినా , నీతో తరగనిదూరం

ప్రయాణించాలనుందేమో

అనీ నా మనసు అందుకు సిద్ధమౌతుంది .❣️