నీ కోసమే ..!
నీ కోసమే ..!
నీ కోసమే నే వేచియున్నా !
కనులలో
కమ్మని కథలే చూడాలని ఎదురుచూస్తున్నా !
నీ కోసమే నే వేచియున్నా !
నీ కనులలో
కమ్మని కథలే చూడాలని ఎదురుచూస్తున్నా !
అనుక్షణం నీ నవ్వుతో నను మురిపించి
అమావాస్య చీకటినే ఇంతలో తలపించి
కనుమరుగయ్యావే నా శశీ !
ఏమైపోయావే ఈ నిశి !
ఎలా ఓపనే నీవులేని ఈ విరహం ?
ఎంత కఠినమో తెలుసా ఈ సమయం ?
నీ కోసమే నే వేచియున్నా !
కమ్మని కబురులకై నే ఎదురుచూస్తున్నా !
పగలంతా నీవేమో నీ గూటిని వీడే గువ్వవే .
నీ ఆశకు శ్వాసవౌతావు నీ ఆనందం నీదనే !
సూర్యుడినే పంపించి , సాయంత్రం ఏతెంచి
నను నేస్తాన్నే చేస్తావే . నాలో నిన్నే చూస్తావే !
నీ కోసమే నే చకోరినై తలపుల వాకిట్లో వేచియున్నా !
కమ్మని కబురులకై ఎదురుచూస్తున్నా !
ఏమైంది ఈ వేళ ? కాళరాత్రినే చూడాలా ?
ఇది గ్రహణమా ? ఒంటరితనమే నాకిక శరణమా ?
ఓ పవనమా ! నీవైనా ప్రియ జాడను తెలుపుమా !
ఉరిమే మేఘమా ! వానను కాస్తంత ఆపుమా !
ఆగని ఓ కాలమా ! నీవైనా మమ్ము దరిజేర్చుమా !
నీ రాక నాకొక శుభఘడియ !
ఎప్పుడొస్తుందో ఏమో నా విన్నపాన్నే కాదనక !
కనులు కాయలే కాస్తున్నా ,
నీకోసమే ఆతృతగా నేనెంతో నిరీక్షిస్తున్నా ..!!