ఒంటరినైపోయా ..!

ఒంటరినైపోయా ! నే ఒంటరినైపోయా !

నీ ప్రేమకు దూరమై నన్ను నేనే మరచిపోయా .

నిన్ను పిలవాలనిపించినా ,

మనసు రాక , ఆ రోజుకోసమే నేను

ఎంతగానో ఎదురుచూస్తున్నా !

ఆనాటి అనుభూతుల్లో పారే సెలయేరుల గలగలలు ,

వెండితెరపై తారలు పలికే సరిగమలు .

ఒకరినొకరం వీడని మనం

ఎప్పటికీ కలసి ఉంటే ,

అవి తలపించును కదా వాడనిపూల అందాలను ,

వెన్నెల్లో కనులను దోచే నీటి అలల సౌందర్యాలను !

రావా వసంతంలోని కోయిలవై మరోసారి ,

తేవా నవ్వులను , ఘల్లుమనేలా , ఓ మనోహరీ !