నాలో దాగున్న నీవు

నీ మాటల్లో ఎదో మాయ ఉంది

లేదంటే మూగపోయిన నా మనసుకు 

మాటలు ఎలా వస్తాయి

నీ చూపుల్లో ఎదో తెలియని శక్తి ఉంది

లేకుంటే చీకటి నా బతుకుకు వెలుగు ఎలా వచ్చింది

నీ చేతుల్లో ఎదో చైతన్యం ఉంది

లేకుంటే చలనంలేని నా తనువులో 

ప్రకంపనలు ఎలా పుట్టాయి

నీ స్పర్శలో ఎదో మంత్రం ఉంది 

అందుకే అణువు అణువు ఇలా పులకించిపోతుంది

నీ కౌగిలిలో ఏదో కరెంట్ దాగుంది లేకుంటే 

నా సిరలలో ప్రేమ ఇలా పరిగెడుతుంది ఏమిటి

నీ ముద్దులో ఎదో మహత్తు ఉంది

అందుకే నా మది మత్తులో ములుగుతుంది

నీ శ్వాసలో ఎదో తంత్రం ఉంది

లేకుంటే శిలగా మారిన నాకు జీవం ఎలా వచ్చింది

నీ కలయికలో ఎదో అలౌకిక ఆరా దాగుంది

అందుకే ప్రతీ కలయికలో అతీత ఆనందం వస్తుంది

నీ అలికిడితో నా పంచప్రాణాలు 

నీ వైపే ఎందుకు ప్రవహిస్తాయి

నా అలికిడి నీలో అలజడి ఎందుకు కలిగిస్తుంది

నీలో నాలో ఎదో మహిమ ఉంది 

అందుకే నీలో దాగున్న నా కోసం 

లేకుంటే నాలో దాగున్న నీ కోసం 

నీ నా మనసు పరుగులు పెడుతుంది