ప్రేమ చిగురులుఅర్జున్ నర్ర

చూపు

ఒక మొన దెలిన బాణం ముళ్లులాంటిది వేగంగా వదిలితే

అది గుండెకి గాయం చేస్తుంది

తీవ్రమైన దుఃఖానికి గురి చేస్తుంది

***

 ప్రేమ

 ఒక పుష్పం లాంటిది

చిగురుస్తు రెమ్మలకు వన్నె తెచ్చి

కళ్ళకు అందంగా కనిపిస్తుంది

 వాడినపుడు చెడినదానిలా అనిపిస్తుంది

 ****

ప్రేమ

ఫలించినవాడికి ఒక తియ్యని రాగం ఫలించని వాడికి ఒక తీవ్రమైన శోఖం

 *****

ప్రేమ

ఒక తేనెటీగల

మనసుకి తీపిని ఇస్తుంది

గాయం కూడా చేస్తుంది

****

కౌగిలి

ఓ వింత అనుభూతి

మనసు రహస్యంగా

రాసే మహామంత్రం

***

ముద్దు

గుండె మాటలను

పలికే మృదువైన

నిశ్శబ్ద అనుబంధ ముద్ర

***

ఆశ

ఒక జ్వాల లాంటిది

అది పై పైకి ఎగచిమ్ముతూ

మనసును

హద్దు దాటేలా చేస్తుంది

ఆ తరువాత కటకటాల్లోకి తోస్తుంది

***

 కోరిక

 ఒక నిప్పే

అది శరీరాన్ని దహించి వేస్తుంది 

సాంగత్యం దొరకనపుడు

పడగ విప్పి

దారిన పోయే వారిని కాటేస్తుంది

***

మనసు

ఒక బడబాగ్ని

తనువును తగలబెడుతుంది

కాలం మందు కనుక్కోలేనప్పుడు

చివరికి చావుతోనే సమాదానపడుతుంది

****

పెళ్ళి

ఇది ఒక లొల్లి

చేసుకున్న వాళ్ళదోకటి

చేసుకోబోయే వారిదొకటి

***

పుస్తెల తాడు

రెండు మనసులను

కలిపి కట్టిన దారం 

పవిత్రంగా ఉంటే హారం 

అపవిత్రమైతే ఉరితాడు

***

భార్యభర్తలు 

అర్థం చేసుకుంటే 

ఆలుమగలు

లేకుంటే 

వెన్నుపోటుదారులు

అందుకే 

ఈడు జోడు కాదండి

కాస్త తోడు నీడ అనండి

***

సంతానం 

మొదట్లో సంతోషానిస్తుంది 

ఎదుగుతుంటే ఏడిపిస్తుంది 

స్థిరపడితే 

చిరునవ్వు పూయిస్తుంది

 లేదంటే 

స్మశానంలో శోఖమవుతుంది

*****