STORYMIRROR

ARJUNAIAH NARRA

Abstract Inspirational Children

3  

ARJUNAIAH NARRA

Abstract Inspirational Children

విత్తనం

విత్తనం

1 min
29


విత్తనం

విత్తనం కలలు కన్నది

సకల జీవులకి ఆయువునన్నది

ధరణి గర్భమందు పురుడు పోసుకొని

గగన తలంలోకి ఎగబాకుతానంది

గల గల పారేటి సెలయేటి నీరు తాగి

శాఖాను శాఖలుగా ఎదుగుతానంది

విరబోసుకొన్న కురులలో విరులను తూరుముకొని

మలయ మారుతం రాగాలను ఆలాపిస్తానంది

ఘీంకార, ఝంకార నాదాలకు నాట్యమాడుతానంది

పచ్చపచ్చని వనమై పసిడి సిరుల పంటనైతానంది

వత్తులుగా, గుత్తులుగా 

పువ్వులుగా, కాయలుగా

ఫలాలుగా, మారి సకల ప్రాణులకు

ఆహారాన్ని అమృతంలా అందిస్తానంది

చిగురునై, వగరునై, తరువునై

తనువంత రోగాన్ని హారించే దినుసునై

దివ్య ఔషధంగా ఔతానంది

చెట్టునై, పట్టు దారమై, నారనై, నేత చీరనై

పెళ్లి మంటపంలో వధువుతో ముస్తాబైతానంది

రైతు పొలంలో నాగలినై

గురువు చేతిలో బెత్తంమై

రక్షక బటుని చేతిలో లాఠీనై

న్యాయస్థానంలో గావెల్స్ నై

రాజు చేతిలో రాజదండంనైతనంది

కలపనై, కిటికీ రెక్కనై

తలుపునై, కట్టే మంచమై

పొయ్యిలో వంటసరుకునై

పేదోడి గుడిసెలో వాసమై

ముసలి వారికి ఉతకర్రనై

దేవుడి గుడిలో పీఠంమై,

చివరికి వల్లకాడిలో

కాయాన్ని కాల్చే కట్టెనై

శివైక్యం చెందుతానంది.

రచన ©  : అర్జున్ నర్ర



రచనకు రేటింగ్ ఇవ్వండి
లాగిన్

Similar telugu poem from Abstract