సాటి లేని తెలుగు

తెలుగు భాష ఎంతో మేటి,

మన భాషకు లేదు ఎవరితో పోటీ |౧|

తేట తేట తెలుగు పదాల మాధుర్యం తనకు తానే సాటి,

ఎందరో మహానుభావులు మహనీయులు అయ్యారు ఆంధ్రభాషలో ఘనాపాఠి|౨|

మన ప్రతి మాట పాట ఒక తెలుగు తేటి,

మన నాడులో ఇద్దాం తెలుగు ప్రాధాన్య స్థానం మొదటి |3|

తెలుగుతల్లి సంతోషిస్తారు మన ఐక్యత తోటి,

తెనుగు ఎప్పుడు ఉండాలి సంస్కృతి కావ్య సాహిత్య కిరీటి |౪|

పరభాష వ్యామోహం ఎప్పుడూ కాదు లాభసాటి,

అరుదైన శాస్త్రీయ ప్రాచీన భాషలందు తెలుగు వాక్కు వాఙ్మయం ఒకటి |౫|

తెలుగు భాషాభివృద్ధి కొరకు ఆంధ్రుల అభ్యర్థనలు కోటి కోటి,

మాతృభాష సంరక్షణకు తెనుగు విద్వాంసులకు దండాలు శతకోటి |౬|

ఆనాటి ఈనాటి మాటల బంధం కొరకు అయ్యెను తెలుగు సృష్టి,

నేర్పరులు ప్రసాదించారు లిపి శిలాఫలకాలు గ్రంథాలు ఉంచుకుని దూరదృష్టి |౭|

నిరంతరం అవుతూ ఉండాలి తెలుగు భేటి,

ప్రత్యేక పద్య గద్య రచన ఒక అమూల్యమైన తెలుగు చీటీ |౮|

తెలుగు భాష వాడుకలో ఉండాలి సార్థకమైన ప్రయోగాత్మక పరిపాటి ,

మన తల్లిభాష పోషణ రక్షణ లేకపోతె ఏనాటికి మన విలువ ఎంతపాటీ ఎంపాటీ| ౯ |