తెలుగు బంధం

అచ్చులు హల్లులు అమ్మా నాన్నలు

భాషాభాగాలు బాబాయీ లు

పదబంధాలు పలకరించే పిన్నమ్మలు

అన్నయ్యలు అన్నింటికీ అలంకారాలు

ఒత్తుల వరసలు వదినమ్మలు

తమ్ముళ్లు తోడుండే తెలుగు వెలుగులు

ఛందస్సే చిలక పలుకుల చెల్లెమ్మ

విద్యనందించే లఘువులు, గురువులు

బహువచనాలు బావమరుదులు

సంధులు, సమాసాలు చుట్టాలు పక్కాలు

విభక్తులు వీధి స్నేహితులు

ప్రతిపదార్థాలు ప్రాణ స్నేహితులు

విమర్శించే వాళ్ళు వ్యతిరేక పదాలు

సమర్థించే వాళ్ళు వ్యుత్పత్తర్థాలు