ఇప్పుడు

ప్రేమంటే మోహమనీ తెలిసిందా ఇప్పుడు

వాగంటే పరుగేనని. , తెలిసిందా. ఇప్పుడు

వలపు మాత్ర చేదుకన్న గరళమెక్కడున్నదీ?

తలపు తీపి లోయల్లో కలిసిందా ఇప్పుడు!?

ఎదురుచూపు చుక్కాని తొ విరహఝరిని దాటగలను!

నువులేవను వార్త ,, కనుల చూపిందా ఇప్పుడు..?

చిరుశ్వాసనె ఆగిపోవు క్షణమిదియే ఓ ప్రియా!

కలనైన, నా కనురెప్పను మూసిందా ఇప్పుడు?

హృదయం మైదానంలో ఆటాడుట సంబరమా!?

 ఓటమి శివరంజని తాళం వేసిందా ఇప్పుడు.?.

నీ సుఖమే కోరుకొంటి...ముళ్ళబాట నే నడచితి!

గాలిలోన సుమగంధం తాకిందా ఇప్పుడు!