పోయిరా
పోయిరా
పోయిరా పోయిరా ఇదికూడ పొసగని వైనం
చేయకురా యత్నం ఆ మనసే కరగని మైనం
ప్రేమంటే రెండు హృదయాలలో వెలిగే దీపం
అవునంటే కాదనే తత్వమా వదలుకో కోపం
పొడి మాటలతో తడి మంటలూ పుట్టిస్తావు
పుప్పొడి వనాలలో అగ్గితోనే ఆట పట్టిస్తావు
చిగురించే చిత్రమైన వలపును చీత్కరిస్తావు
రగిలించే రాక్షసమైన ఆ స్పర్థనే సత్కరిస్తావు
పోయిరా పోయిరా ఇదికూడ పొసగని వైనం
చేయకురా యత్నం ఆ మనసే కరగని మైనం
రాలుగాయి ప్రేమకూ రాపిడి మరీ అధికమూ
కాలు చేయి కదలనీక కట్టివేసేసి ఓ పధకమూ
గుడ్డి ప్రేమకు గుండెలు అర్పణమూ చేయాలా
నడ్డి విరిచి నవ్వేసే పరిహాసాన్ని పిలిచేయాలా
వలపుకూ వ్యామోహానికి వంతెన కట్టలేవుగా
తలపులో నిత్యమే నిలువనిచో చేపట్టలేవుగా
పోయిరా పోయిరా ఇది కూడ పొసగని వైనం
చేయకురా యత్నం ఆ మనసే కరగని మైనం
కథలలోన చదువలేదా కనికరమేలేని గాధలు
వ్యధలపాలై కథలగా చెప్పలేదా ప్రేమబాధలు
కథలలోన చదువలేదా కనికరమేలేని గాధలు
వ్యధలపాలై కథలగా చెప్పలేదా ప్రేమబాధలు
పోయిరా పోయిరా ఇదికూడ పొసగని వైనం
చేయకురా యత్నం ఆ మనసే కరగని మైనం
ప్రేమంటే రెండు హృదయాలలో వెలిగే దీపం
అవునంటే కాదనే తత్వమా వదలుకో కోపం