స్నేహితుడా

నేను ఏమి చేస్తున్నా..చూస్తూనే ఉంటావా..! 

కలలోనూ నన్నల్లరి..పెడుతూనే ఉంటావా..! 

ఎంత కొంటెతనం నీది..గాలిలోని పరిమళమా.. 

పగలురేయి అలా వెంట..పడుతూనే ఉంటావా..!

నా కనులకు రానీవే..నిదురతెరను ఏ వేళా..

చెలిమిమీర చేరి వెన్ను..తడుతూనే ఉంటావా..!

శ్వాసమాటు మనసుపట్టి..ఎలా ఖాళి చేసేవో.. 

నా తలపుల కావ్యమొకటి..వ్రాస్తూనే ఉంటావా..!

కిరణం పై తిరగబడే..చీకటెలా నిలువగలదు..

నీ అజ్ఞానపు సొగసులు..మోస్తూనే ఉంటావా..! 

చూడ చక్కనౌ హితుడా..స్నేహితుడా .. 

మనసుచిలుకకో సంకెల..వేస్తూనే ఉంటావా..!