ఆరుబయట చలిలో..

అతడు కాళ్లు ముడుచుకుని దగ్గరికి లాక్కున్నాడు

పచ్చి కట్టెలు సరిగ్గా కాలట్లేదు

శీతాకాలపు చల్లగాలి అతడి చెవుల్లో ఏదో చెప్పబోయింది

ప్రియురాలి మీద విసుక్కున్నట్టు అతడు శాలువాతో చెవుల్ని కప్పాడు

అతని కళ్ళజోడు పొగ మంచుతో కప్పబడింది

కనిపించీ కనిపించక అతడు కట్టెలను ఎగదోసాడు

మంటలు పైకి పాకుతున్నాయి

అతని ఒంట్లోని భయంలా

అవి చీకటిని చుట్టుముడుతున్నాయి

వక్షోజాలను హత్తుకుని వెచ్చగా నిదురిస్తున్న వారు

వేడి గాలుల యంత్రాలతో చలిని తగ్గించే వారు

వాస్తవ వార్తల కోసం తిరిగే వారు

ప్రజా సమస్యలను పట్టని వారు

అతడు ఏ కోవలోకీ రాడు

సగం కాలిన శవాల మీద ఎగిరే నిప్పు కణికల్ని ఊదుతూ

చలి కాల్చుకుంటూ 

ఆరుబయట అందరికీ తోడుగా ఉంటాడు

వివిధ రకాల పేర్లతో పిలిపించుకుంటాడు