గ్రంథాలయం
ప్రొఫైల్
వాన జల్లు
వాన జల్లు
1 min
196
నీలాకాశం లో
మబ్బులు వేగంగా కదులుటకు
గాలి సాయం కావాలనుకున్నాయి!
చల్లని గాలి నల్లని మబ్బులను తగలగానే
చినుకుల వర్షాన్ని ప్రసవించి
వంపుల వాగులతో పరవళ్ళు తీసి
వాగు నది గా మారి
సముద్రుడి లో కలవడానికి
తహతహ లాడుతున్నాయి!
వాన చినుకులు లేకపోతే
పుడమికి పచ్చదనం ఎలా వస్తుంది?
వరణుడు అవనిని తాకినపుడు
పుడమికి లేలేత చిగుళ్ళు
పచ్చటి చీర నేస్తుంది!
పువ్వుల నవ్వులతో
పరవశించి పోతుంది!
మబ్బులు పొదిగిన ఆకాశం
బరువెక్కిన ప్రతిసారీ
తటపట చినుకులతో
భూమిని తడుపుతుంది!
కొన్నింటిని దాచుకొని
సేద తీరుటకై నీడనిస్తుంది!
మబ్బులు లేని ఆకాశం
పూలు లేని తోట నే కదా!
