దేహ కాగితంపై ప్రేమ గీతం

ఎన్నో  యుద్దాలని చేసిన  

మగ మహారాజుల పదునైన

ఖడ్గాలు నా బిగువుల బరువుని

చూసి తలదించుకొన్నాయి   

కాని నా పరువాల ప్రాయం ఎక్కువ అనుభవం 

గలిగిన నీ మగసిరికి మురిసిపోతుంది

మనసు మౌనంగా మాట్లాడుతుంది 

మది కోకిలలా పల్లవిలను విన్పిస్తుంది

విరహంలో తనువు విహరిస్తూ విలపిస్తుంది

నీ జ్ఞాపకాలు హృదయంలో పదిలంగా ఉన్నాయి

నా గాయానికి మందు నీ దగ్గర ఉంది

నా గతాన్ని మరిపించే మత్తు నీతోనే ఉంది 

నా కళ్ళు నీ కోసం ఎన్ని రోజులని

స్వప్నాలను కలగనాలని అడుగుతున్నాయి

మళ్ళీ నీ పెదవుల రుచి చూడాలని

నా పెదవులు ఎన్ని రాత్రులు ఎదురుచూడాలి

నా సొగసులు రోజుకోసారి నిన్ను రమ్మంటున్నాయి

నీ కౌగిలిలో పరువాలు నలగాలని కోరుకుంటున్నవి

ఇన్నాళ్లు నీకోసం నీరీక్షించడం నన్ను శిక్షించడమెగా

నువ్వు........

దూరమైతే పూలు ముళ్ళులా గుచ్చుతున్నాయి దరిచేరితే ముళ్ళుకంచె పూలపాన్పులా మారుతది

నీ సాంగ్యత్యంలో నరకం స్వర్గంలా  

నీ ఎడబాటుతో స్వర్గం నరకం లాగా అనిపిస్తుంది

ఏమిటి మాయ.....రా ప్రియతమ!

నా దేహపు కాగితం పైన 

నీ పెదవులతో ప్రేమ కవితలను

నీ ముద్దులతో ముత్యాలసరాలను

నీ ముచ్చట్లతో అలంకారాలను

నీ చేతులతో శృంగార కావ్యాలను

నీ తనువుతో చిలిపి సరసపు ఆటలను 

రచించి 'దాంపత్య రహస్యలు' 

అనే పేరుతో పుస్తకాన్ని ప్రచురిద్దాం.