ఓ చిరుగాలి!
ఓ చిరుగాలి!
యే పచ్చదనం లో పుట్టావో..
యే కొండ కోనల్లో కదిలావో
యే చెట్టు చేమల్లో పెరిగావో
తెలియదు గానీ
మా అందరి ప్రాణ వాయువు అయినావు కదా
ఓ చిరుగాలి!
ఎచట నుండి వీచెనోగాని ఈ చిరుగాలి
రోజూలా లేదు ఎందుకని?
ఈ రోజు నీ చల్లటి స్పర్శ కర్ణములందు దూరి
హృదయమునందు చేరింది..ఎవరో పిలిచినట్టు
గుండె గదుల్ని తాకుతున్న నీ చిలిపి శబ్ధం
నాలో ఇళయరాజా సంగీతాన్ని వినిపిస్తున్నట్టు ఉంది
ఈ రోజెందుకో
చిరుగాలి తాకిన చల్లబడక..నా తనువున
చిత్రముగా చెమటలు పడుతున్నది
నా మేనుని తాకిన చిరుగాలి లో లోపల
ఏదో గుబులు పుట్టిస్తున్నది
ఓ చిరుగాలి
నేడెందుకు చెలి కబుర్లు మోసుకొస్తున్నావు
నాలో అలజడి రేపుతున్నావూ
ఆశలు రెట్టింపు చేస్తున్నావు
ఎందుకు తుఫానులా మారి
నా తనువును తడిపేస్తున్నావూ
అంతలోనే యెందుకు ఆవిరయి పోతున్నావు
ఓ చిరుగాలి
నేడేల..ఈ తీయటి గోల
కూర్చొని ఉండక ఏదో మూల
నువ్వెంత ఉసిగొల్పినా కానరాదు గదా నా బాల
ఇప్పటికే ఎక్కువైంది...చాలా
ఇక రగల్చకు నాలో విరహపు జ్వాల!
......రాజ్....