వెలిగించు !
వెలిగించు !
ఊహలే నిజమై మనల్ని
నడిపిస్తాయని నీకు తెలుసు .
అందులోని హాయి
అడగదెన్నడూ మన వయసు .
కోరేది యువతరంలో
ఉండే ఉల్లాసమే ఎల్లవేళలా !
ప్రేమించుకుందామా అందుకే
ఎప్పటికీ ఒకరికొకరమై ఇలా ?
అది తరగని గని అని
అందరూ ఆశ్చర్యంతో అనేలా !
గతజన్మ బంధమో ,
నేటి తియ్యని సంబంధమో !
మనమధ్య గొప్పగా
పెనవేసున్నది ఈ అనుబంధం !
నీ పుట్టుక
మిన్నంటిన ఓ ఇంటి సంబరం .
నాకు బహుమతివైతే
ఆ ఆనందమూ తాకదా అంబరం !
వెలిగించు నాలో
ప్రేమదీపం రోజూ జ్వలించేలా .
జన్మజన్మలకూ
మనమిద్దరం ఒక్కటయ్యేలా !!